prose · August 25, 2026
Suangtuahna vâk vêl...
Muhil thei lo ta na na na chu suangtuahna vâk vêlin thil dang a ngaihtuah a mahse, thil ropui chu a ni lo nasa a ni.
Pathian khawngaihna zârah mahni ram chhuahsanin Vai ram (Dehradun)-ah zirna sâng zâwk zirin kan han awm ve ta chu a nia. Tunah te chuan 2,725+km laiin kan ram, Mizoram hlatah kan awm a, hla vang vang tak a ni. Tum tiruh tlat lo ila, intichhel lui tlat lo phei ila chuan lunglên avang ringawt pawh hian ka zirlai hi bânsanin ka nu bulah ka mu hle hle ang maw le.
Eng maw ka ngaihtuah?
Mihring pangngai ka nih rual hian Superman thil tihtheihna hi han nei tel mai ila. Superman chu a chak a, thil te hi a hre zung zung thei a thil eng emaw te pawh a hmu tlang thei a chu'ng te chuan ka zirlaiah hian min pui nasa dawn sia, AI ai paw'n ka 'pui daih mai thei a sin. Superman chu a che zung zung thei bawk sia rei tak Assignment buaipui emaw lehkha zir emaw te hi a ngai dawn miah lo a nia. Boruak vawt te a chhêm chhuak thei a chu chu Vai ram khaw lumah te hian a va ṭangkai dawn tak. Khua vawt deuh pawh ni se a mit aṭangin a kâp alh leh chuai mai dawn a, a va ṭha tak!
Chuan, engtin zel?
Superman power-a ka awh ber chu a thlâwk tel thei tlat hi a ni, a la thlâwk chak êm êm zui. Superman cruising speed hi 3,218 km/h vêl laia chhût a nia, a Atmospheric Top Speed phei chu 12,250 km/h lai a ni, thlâwk chak viau si hian a alh thei miah lo leh nghal, Damn! Khawvêl pâwn lama a thlawh chak zâwng "Maximum Comic Speed" hi Speed of Light / 299,792 km/s anga chhût hial a ni, hemi speed hi chu a chak lutuk a mit khap kâr ang lek a ni "an ti".
Superman ang hian thlâwk thei ta ila Mizoram aṭanga Dehradun hi Superman cruising speed ringawtin chhût ta ila, Time = Distance/Speed formulae hmanga chhût chuan 50 mins leh 48 secs a ni daih. Atmospheric Top Speed-in chhût leh ila, formulae ngai bawk kan hman leh chuan 13 mins leh 28 secs ah a khung leng thei daih a nia. Maximum Comic Speed phei chuan 9.09 milliseconds ah a khung leng daih dawn nih chu, rapthlak den!
Superman ang hian thlâwk theiin chak tâwkin thlâwk thei ila heti lai Vai ramah, Vai hmelṭha rêng awm lohna hmunah hian in luah a ṭul miah dawn lo a. Mahni ram aṭangin, mahni in lum aṭangin class kal turin ka thlâwk thla fua fua reng mai tur a nia. Chhûngte lak ata awm bo a ngai lo ang a, kâr hla dî pawh ka nei lo mai tur, hehe.
Mahse, awlsam taka nun hman a, harsatna hmachhawn eih lo a nun hman hi eng nge awmzia awm ang, engtin nge nun awmzia ka hriat ang? Engtin nge ka tan Pathian pawimawhna ka hriat ang? Aaa! Superman nih ka duh leh lo. Superman ni tura piang ka ni lo bawk a. Rinawm takin "Thlatea" nih ngar ngar hi ka thlang leh zawk mai, Pathian zârah hma hun duhawm takin min lo hmuah beisei ve phawt ang.
Kha maw! Thil ropui tak ka ngaihtuah lo ka tih kha...
Pathian khawngaihna zârah mahni ram chhuahsanin Vai ram (Dehradun)-ah zirna sâng zâwk zirin kan han awm ve ta chu a nia. Tunah te chuan 2,725+km laiin kan ram, Mizoram hlatah kan awm a, hla vang vang tak a ni. Tum tiruh tlat lo ila, intichhel lui tlat lo phei ila chuan lunglên avang ringawt pawh hian ka zirlai hi bânsanin ka nu bulah ka mu hle hle ang maw le.
Eng maw ka ngaihtuah?
Mihring pangngai ka nih rual hian Superman thil tihtheihna hi han nei tel mai ila. Superman chu a chak a, thil te hi a hre zung zung thei a thil eng emaw te pawh a hmu tlang thei a chu'ng te chuan ka zirlaiah hian min pui nasa dawn sia, AI ai paw'n ka 'pui daih mai thei a sin. Superman chu a che zung zung thei bawk sia rei tak Assignment buaipui emaw lehkha zir emaw te hi a ngai dawn miah lo a nia. Boruak vawt te a chhêm chhuak thei a chu chu Vai ram khaw lumah te hian a va ṭangkai dawn tak. Khua vawt deuh pawh ni se a mit aṭangin a kâp alh leh chuai mai dawn a, a va ṭha tak!
Chuan, engtin zel?
Superman power-a ka awh ber chu a thlâwk tel thei tlat hi a ni, a la thlâwk chak êm êm zui. Superman cruising speed hi 3,218 km/h vêl laia chhût a nia, a Atmospheric Top Speed phei chu 12,250 km/h lai a ni, thlâwk chak viau si hian a alh thei miah lo leh nghal, Damn! Khawvêl pâwn lama a thlawh chak zâwng "Maximum Comic Speed" hi Speed of Light / 299,792 km/s anga chhût hial a ni, hemi speed hi chu a chak lutuk a mit khap kâr ang lek a ni "an ti".
Superman ang hian thlâwk thei ta ila Mizoram aṭanga Dehradun hi Superman cruising speed ringawtin chhût ta ila, Time = Distance/Speed formulae hmanga chhût chuan 50 mins leh 48 secs a ni daih. Atmospheric Top Speed-in chhût leh ila, formulae ngai bawk kan hman leh chuan 13 mins leh 28 secs ah a khung leng thei daih a nia. Maximum Comic Speed phei chuan 9.09 milliseconds ah a khung leng daih dawn nih chu, rapthlak den!
Superman ang hian thlâwk theiin chak tâwkin thlâwk thei ila heti lai Vai ramah, Vai hmelṭha rêng awm lohna hmunah hian in luah a ṭul miah dawn lo a. Mahni ram aṭangin, mahni in lum aṭangin class kal turin ka thlâwk thla fua fua reng mai tur a nia. Chhûngte lak ata awm bo a ngai lo ang a, kâr hla dî pawh ka nei lo mai tur, hehe.
Mahse, awlsam taka nun hman a, harsatna hmachhawn eih lo a nun hman hi eng nge awmzia awm ang, engtin nge nun awmzia ka hriat ang? Engtin nge ka tan Pathian pawimawhna ka hriat ang? Aaa! Superman nih ka duh leh lo. Superman ni tura piang ka ni lo bawk a. Rinawm takin "Thlatea" nih ngar ngar hi ka thlang leh zawk mai, Pathian zârah hma hun duhawm takin min lo hmuah beisei ve phawt ang.
Kha maw! Thil ropui tak ka ngaihtuah lo ka tih kha...